Nilikha ang Diksiyonaryong Adarna upang maging katuwang ng mga mag-aaral sa pag-aaral ng wikang Filipino at panitikan. Naglalaman ito ng mga di-kilalang salitang matatagpuan sa El Filibusterismo, Noli Me Tangere, at Florante at Laura. Upang maging mas madali ang pag-unawa, sinamahan din ang mga pangunahing lahok ng mga halimbawang pangungusap. Naglalaman din ito ng mga lahok na kumakatawan sa sining, kultura, at katutubong paniniwala ng iba't-ibang pangkat sa Pilipinas, gayundin ng mga salitang pang-agham. Bukod sa pagiging instrumento upang lubos na makilala ang yaman ng wikang Filipino, layunin din ng Diksiyonaryong Adarna na maitatak sa kamalayan ng mga mag-aaral ang pagmamahal sa sariling wika. -From the back cover.